அழகான மனைவி அன்பான துணைவி

Tuesday, August 22, 2017


" அழகான மனைவி.. அன்பான துணைவி..
அமைந்தாலே பேரின்பமே... "
#கல்யாண_மாலை_கொண்டாடும்_பெண்ணே


முதலில் நாம் குறுஞ்செய்தி வாயிலாக பேசத் துவங்கினோம். இணையத்தில் நமக்கு பிடித்த சில புகைப்படங்களை பகிர்ந்துக்கொள்ள துவங்கினோம். சில நாட்கள் கழித்து நமக்கு பிடித்த பாடல் வரிகளை பகிர்ந்தோம். பின்னர், நமக்கு பிடித்த பாடல்களை பகிர்ந்தோம். சில நாட்கள் கழித்து, குறுஞ்செய்தியில் மனம்விட்டு பேச துவங்கினோம். பெற்றோர்கள் நமக்கு வைத்த பெயர்களை மறந்து, நான் உனக்கொரு பெயர் சூட்ட - நீ எனக்கு பல பெயர்கள் சூட்டி - மகிழ்ந்தோம். நம் விருப்பு வெறுப்புகளை பகிர்ந்தோம். நம் புகைப்படங்களை பகிர்ந்துகொள்ள துவங்கினோம். அன்யோன்யமாக பேச ஆரம்பித்தோம். எதிர்பாரா வண்ணம், தொலைப்பேசியில் பேச ஆரம்பித்தோம். இருவருக்குமே திகைப்பு, ஆச்சர்யம், சில ஏமாற்றமும்கூட. குறுஞ்செய்தியில் பேசுவதுபோல தொலைப்பேசியில் பேச முடியவில்லை நம்மால். தயக்கமா இல்லை இனம் புரியாதா ஏதோ ஒன்றா ! ஏதோ நம்மை தள்ளியிருக்க வைத்தது. நம் அன்பு அதையெல்லாம் தவிடுபொடியாக்கி இங்கும் அன்யோன்யமாக பேச ஆரம்பித்தோம். நம்மிருவரின் எண்ணங்களை பகிர்ந்தோம், ஆசைகளை பகிர்ந்தோம், கனவுகளை பகிர்ந்தோம், இலட்சியங்களை பகிர்ந்தோம், கவலைகளை பகிர்ந்தோம், பால்ய நினைவுகளை பகிர்ந்தோம். முன்பெல்லாம் நாம் பேசிக்கொள்ளும்போது முகமறியா யாரோ ஒருவருடன் பேசுவது போன்ற உணர்வு வரும். ஆனால், இப்போது நாம் பேசிக்கொள்கையில், நான் என்னுடன் பேசுவது போன்றொரு உணர்வு. என் மனசாட்சியுடன் பேசுவது போலவே உணர்கிறேன். நீயும் அப்படியே உணர்கிறாய் என்றறிவேன் நான். 

சில விஷயங்களை ஒரு தோழியாக என்னுடன் பகிர்ந்தாய்..
சில விஷயங்களை ஒரு காதலியாக என்னுடன் பகிர்ந்தாய்..
சில விஷயங்களை ஒரு மனைவியாக என்னுடன் பகிர்ந்தாய்..

தோழியாக இருந்து என் குழந்தைத்தனத்தை எனக்கு உணர்த்தினாய்..
காதலியாக இருந்து என் அன்பான இதயத்தின் எண்ணங்களை வெளிக்கொண்டு வந்தாய்..
மனைவியாக இருந்து என் கடமைகளையும், எனக்கான பொறுப்புகளையும் எனக்கு உணர்த்தினாய்..

வேறென்ன சொல்ல....

"அழகான மனைவி.. அன்பான துணைவி..
அமைந்தாலே பேரின்பமே... "

பேரின்பம் காண்கிறேன் - உன்னால் !!!!!!!!

* தினேஷ்மாயா *

நினைவுகள்


நாம் தீட்டும் ஓவியங்கள்

உனக்காக மட்டுமே என்று நினைத்தேன்..

ஆனால், அதை பொக்கிஷமாக வைத்து

நம் குழந்தைக்கும் காட்ட

நம் நினைவுகளை

பத்திரப்படுத்த விரும்புகிறாய் நீ..

பெண்கள் என்றால் - தொலைநோக்கு

பார்வையுடன் சிந்திப்பார்கள் என்பதை

இன்று உணர்ந்துக்கொண்டேன் !!

* தினேஷ்மாயா *


உன்னாலே உன்னாலே


* தினேஷ்மாயா *

தேவதை நகர்


நிச்சயம் பெயர் மாற்றம் தேவை..

இன்று முதல் - அது

அய்யா நகர் இல்லை..

தேவதை நகர் !!

* தினேஷ்மாயா *

முத்தம்



என் செல்லிடைப்பேசியின்

தொடுதிரை தடுத்துவிட்டதடி..

இல்லையென்றால் - நான் பதித்த

முத்தம் நேற்றே உன்

கன்னங்களை வந்தடைந்திருக்கும்...

* தினேஷ்மாயா *

கண் பட்ட காரணத்தால்..

Sunday, August 20, 2017


ஊரார் கண்கள் எல்லாம்

அதிகம் நம் மீதுதான்

இருக்கிறது கண்ணே !!

* தினேஷ்மாயா *

பொறுத்திரு மனமே



தேவதையின் பாதம் தொட்டு
முத்தம் கொடுக்க ஆசைதான்...

மணநாள் வரும்நாள்
அதுவரை பொறுத்திரு மனமே !!!

* தினேஷ்மாயா *

சொர்க்கம் செல்லும் இரயில்



பொதுவாக,
இரயில் பெட்டியெல்லாம்
பயணம் முடிந்து பணிமனை செல்லும்..

ஆனால் அந்த ஒரு இரயில் பெட்டி மட்டும்
இன்று சொர்க்கம் சென்றுள்ளது..

நீ பயணித்த காரணத்தால் !!

* தினேஷ்மாயா *

செல்லமான சண்டை



அவள் சண்டையிட்டால்
நான் சமாதானப்படுத்துவேன்..

நான் சண்டையிட்டால்
அவள் சமாதானப்படுத்துவாள்...

நாங்கள் இருவரும்
சண்டையிட்டு கோபித்துக்கொண்டால்
எங்கள் காதல்
எங்களை சமாதானப்படுத்தும்...

அதனால் தான்,
நானும் அவளும்
அடிக்கடி செல்லமாக சண்டையிட்டுக்கொள்வோம்..

* தினேஷ்மாயா *

பரிமாற்றம்



பண பரிமாற்றம் செய்ய சொன்னால்

மன பரிமாற்றம் செய்துக்கொண்டிருக்கிறோம்
நாமிருவரும்.. 💝💝

* தினேஷ்மாயா *

பேருந்து பயணம்


பேருந்து பயணம்..

காற்றின் ஈரப்பதம் நம்மை தழுவுகிறது..

கைகள் கோர்த்தபடி என்னருகில் நீ..

என் தோள்மீது நீ தலை சாய்க்கிறாய்..

உன் தலைமீது நான் தலைசாய்கிறேன்..

மெல்லிசை நம் மனதை நிரப்புகிறது..

உன் ஸ்பரிசமும், உன் உஷ்ணமான மூச்சுக்காற்றும் தரும்

அந்த கதகதப்பில்...

இப்பயணம் முடிவில்லாமல் இப்படியே தொடராதா என்று

ஏக்கத்துடன் நான்..

* தினேஷ்மாயா *

Best Pair

Wednesday, August 16, 2017


We both are matured at the same time we both are childish. That makes us the best pair !!

* தினேஷ்மாயா *

தோழன்


நம் கடைசி மூச்சுவரை, என்றும் உன்னுடன் இருக்கும் தோழன் நான்.

* தினேஷ்மாயா *

ஒரு மாதம் !!


உன்னிடம் நேரில் சொல்ல தயக்கம் எனக்கு. அதனால்தான் இங்கே பதிவு செய்கிறேன். நாம் சந்தித்து ஒரு மாதம் ஆகிறது. இந்த பந்தம் இன்னும் 500 மாதங்களை கடந்து சரித்திரத்தில் இடம்பெறும்.

காதலுடன்

* தினேஷ்மாயா *

பரிசு

Saturday, August 12, 2017


அவள் எனக்கு வார்த்தைகளை பரிசளித்தாள்

நான் அவளுக்கு வெட்கத்தை பரிசளித்தேன்..

* தினேஷ்மாயா *

வார்த்தை திருடி

Friday, August 11, 2017


முன்பு என் இதயத்தை திருடிக்கொண்டாய்..

இப்போது என் வார்த்தைகளையும் திருடிக்கொண்டாய்..

உன்னுடன் பேச வார்த்தைகள் இல்லாமல் ஊமையாய் தவிக்கிறேன் !

* தினேஷ்மாயா *

உன் மௌனமே பேரழகு



இன்று முதன்முறையாக

தொலைப்பேசியில் பேசினோம்.

நாம் பேசிய வார்த்தைகளைவிட

பேசாத மௌனத்தில் தான் அதிகம்

புரிந்துக்கொண்டோம்....

அடுத்தமுறை நேரில் பார்க்கையில்

இப்படித்தான் நடக்குமோ ?!

நம் வார்த்தைகளால் பேசாமல்

கண்களால்தான் பேசிக்கொள்வோமோ ?

* தினேஷ்மாயா *

பாக்கியம்



உன் சோமவார விரதத்தின் பயனாக

நான் உனக்கு கிடைத்தேன் என்றாய்..

ஆனால், நான் செய்த என் வாழ்நாள் தவத்தின் பயனாக

நீ எனக்கு கிடைத்திருக்கிறாயடி...

உன்னைப்பெற அதிகம் பாக்கியம் பெற்றவன் நானே !!

* தினேஷ்மாயா *

வெட்கம்



நான்:

" உன் இதழ்கள் மட்டுமல்ல
உன் கன்னமும் சிவந்தே இருக்கிறது கண்ணே ! "

என்னவள்:

" அதற்கு ஒரே காரணம் நீ!"

* தினேஷ்மாயா *

அமிர்தத்தை எடுக்க !!!




உலகில் இருக்கும் எறும்புகள் எல்லாம்

வளசரவாக்கம் நோக்கி வருகிறது..

நீ உண்ணும் போது, அரிசி ஒன்று

கீழே விழுந்து விட்டது...

அந்த அமிர்தத்தை எடுக்க !!!

* தினேஷ்மாயா *

எப்படி தாங்கிக்கொள்வேன்?


உனக்காக எதையும் தாங்கிக்கொள்வேன்.

உனக்கொன்று என்றால்

எப்படி தாங்கிக்கொள்வேன் !

* தினேஷ்மாயா *

பந்தம்

Monday, August 07, 2017


இந்த பந்தம் என்றென்றும் தொடருமா ? என்று பயம் உனக்கு ..

நம் பந்தம் அடுத்த ஜென்மத்திலும் தொடரவேண்டும் என்று ஆசை எனக்கு..

* தினேஷ்மாயா *

வேண்டுதல்

Sunday, August 06, 2017



உன் வேண்டுதல்தான்

என்னை வேறு பெண்களின் கைகளுக்கு

கிடைக்காமல் பார்த்துக்கொண்டதோ ?!

* தினேஷ்மாயா *

இதிகாசம்



நீ புள்ளி வைத்தாலே கோலம் என்பேன்

நீ கிறுக்கினாலே கவிதை என்பேன்

நீ இத்தனை வரிகள் எனக்காக எழுதியிருக்கிறாயடி

இதை இன்னுமொரு இதிகாசம் என்பேன் நான் !!

* தினேஷ்மாயா *

10344 நாட்கள்



எனக்கு உன்னை கண்டுபிடிக்க 10344 நாட்கள் தேவைப்பட்டுள்ளது !

ஆனாலும் எனக்கு உன்மேல் கொஞ்சம் கோபம்..

என் கண்முன் தோன்ற, என் வாழ்வில் நுழைய

ஏன் இத்தனை ஆண்டுகள் எடுத்துக்கொண்டாயடி ?

* தினேஷ்மாயா *

HER LINES FOR ME



" Good things come to those who wait..

Yes I have waited all these years and trusted god to get the

BEST MAN - THE MAN - MY MAN "

என்னவள் எனக்காக எழுதியது. இன்று அவள் இதை என்னுடன் பகிர்ந்தாள். அவள் விரும்பியபடி, அதை நான் இங்கே பகிர்கிறேன்.

* தினேஷ்மாயா *

அவள் வந்துவிட்டாள் !!

Friday, August 04, 2017


ஐந்து மாதங்களுக்கு முன்னர் , என் வலையில் இதை எழுதியிருந்தேன். அவள் வருவாளா? என்று..

இப்போது பதிவு செய்கிறேன். உலகுக்கு உரக்கச்சொல்கிறேன்.

" அவள் வந்துவிட்டாள்.. "

பூரணமான மனதுடன் !

என்னவள் என்னிடம் வந்துவிட்டாள் !!

* தினேஷ்மாயா *

Hey !! Thatse YOU !!

True Love is,

Finding Right Person at Right Time !!

That Right Person is YOU !

That Right Time is NOW !

* தினேஷ்மாயா *

என்னுள் அடைமழை !



வெளியில் மழை, இடி, மின்னல்..

அதெல்லாம் ஒன்றுமில்லை..

நீ என்னருகில் இருக்கிறாய்..

இம்மாலைப்பொழுதில், இம்மழைப்பொழுதில்

என்னுள்  அடைமழை !!

சின்ன சின்ன ஆசை !


      மழை வரும்போதோ அல்லது மழை நின்ற பின்னரோ, நாமிருவரும் நம் வீட்டின் முற்றத்தில் நின்றுக்கொண்டு, நான் உன் தோளில் சாய்ந்துக்கொண்டு தேநீர் பருக வேண்டும் என்று தன் சின்ன ஆசையை என்னிடம் தெரிவித்தாள் என்னவள்..

       அத்துடன், என் ஆசை ஒன்றையும் அவளிடம் சேர்த்துக்கொள்ள சொன்னேன்.  மழை வந்தால், இடம் பொருள் ஏதும் பார்க்காமல், நாமிருவரும் முதலில் மழையில் நனைவோம், பிறகு நீ சொன்னபடி வீட்டினுள் வந்து மழையை இரசித்தவாறே தேநீர் பருகுவோம் என்றேன். 

           என் ஆசைகளை அவளது ஆசைகளாக அவள் ஏற்றுக்கொள்கிறாள், அவளது ஆசைகளை எனது ஆசைகளாக நான் ஏற்றுக்கொள்கிறேன் !!

* தினேஷ்மாயா *

அதிசயம்



என் வாழ்க்கையில்,

இன்றுவரை எனக்கேற்பட்ட

மிகப்பெரிய அதிசயம்

நீ !

* தினேஷ்மாயா *

அன்பான தோழி



எனக்கு மனைவி கிடைத்துவிட்டதாய்

அனைவரும் நினைக்கின்றனர்..

என் தாயைப்போல என்னை பார்த்துக்கொள்ள

அன்பான தோழி கிடைத்திருக்கிறாள் என்பதே உண்மை !

* தினேஷ்மாயா *

எல்லையில்லா அன்பு !!



""Anything for u is infinite baby !! ""

- KB

* தினேஷ்மாயா*

உன்னை சரணடைந்தேன் !!



இத்தனை ஜென்மங்கள் எடுக்க நேர்ந்துள்ளது..

உன்னை அடைய !!

* தினேஷ்மாயா *

Love is !!

Thursday, August 03, 2017












































































































ALL THESE DEDICATED TO MY #CRAZY_LITTLE_KIDDY_BABY

* தினேஷ்மாயா *