தொலைத்துவிட்டாயா ?

உன் வாழ்க்கையில் எதையாவது தொலைத்துவிட்டாயா ??

வருந்தாதே..

அது நீ உழைத்து சம்பாதித்த பொருளென்றால், நீ மீண்டும் அதை உன் உழைப்பால் வாங்கிவிடலாம்..

அந்த பொருள் திரும்ப கிடைக்கவே கிடைக்காது என்றால், வருந்தி என்ன பயன்..

அதனால், வருந்தாதே..

* தினேஷ்மாயா *

முழுமை

பணம் தான் வாழ்க்கை என்று முதலில் உணர்ந்து,

பின்னர்...

வாழ்க்கைக்கு பணம் மட்டும் போதாது, பணம் ஒரு பொருட்டே இல்லை என்று உணரும் மனிதன்,

தன் வாழ்வில் முழுமை அடைகிறான்...

* தினேஷ்மாயா *

வாழ்க்கை என்பது

வாழ்க்கை என்பது பிழையின்றி வாழ்வதல்ல..

பிழையை புரிந்து திருத்திக்கொண்டு வாழ்வதே வாழ்க்கை..

* தினேஷ்மாயா *

காதல் பெரியது

எனக்கு கோபம் வந்தால்

அவள் விட்டுக்கொடுத்து போவாள்.

அவள் கோபப்பட்டால்

நான் விட்டுக்கொடுத்து போவேன்.

எங்கள் இருவருக்கும் கோபம் வந்தால்,

முதலில் விட்டுக்கொடுத்து போவது

நானாகத்தான் இருக்கும்..

ஏனென்றால், அவள்மீதான கோபத்தைவிட

எனக்கு அவள்மீதான காதல் பெரியது..

* தினேஷ்மாயா *