இன்று என் அண்ணிக்கு பிறந்தநாள். அண்ணனும் அண்ணியும் நானும் விருந்திற்கு செம்ன்றிருந்தோம். நிறைய விஷயங்களை பேசிக்கொண்டிருந்தோம். அப்போது அண்ணி என்னை கேட்டார்கள். ஏன் இந்த வயசில் தனியா இருக்கீங்க காதலி யாருமில்லையா என்று. அதற்கு நான் சொன்னேன். எனக்குள்ளும் காதல் இருந்தது. ஏழு வருட காதல், விண்ணைத்தாண்டி வருவாயா போன்ற காதல் என்னுடையது. ஆனால் இப்போது காதல் தோல்வியால் தனியாய் இருக்கிறேன் என்றேன். அதற்கு அவர் சொன்ன விஷயம் என்னை அதிகம் கவர்ந்தது.
காதல் தோல்வி என்று சொல்லாதீர்கள். காதல் அனுபவம் என்று சொல்லுங்கள். காதலில் தோல்வி என்று ஏதுமில்லை. காதல் என்ன போட்டியா வெற்றிப்பெறவும் தோற்றுப்போகவும். அது ஒரு உணர்வுப்பூர்வமான அனுபவம். எப்போதும் காதல் தோல்வி என்று சொல்லாதீர்கள் என்றார்கள்.
அவர் அப்படி சொன்னதுமே மனதில் அச்சடித்து ஒட்டிக்கொண்டேன் அவர் சொன்னதை. இனி எவர் கேட்டாலும் பெருமையாய் சொல்வேன். காதல் அனுபவம் எனக்கு இருக்கிறது என்று. காதல் தோல்வி என்று இனி ஒருபோதும் சொல்லக்கூடாது என்றும் முடிவெடுத்துவிட்டேன்.
- தினேஷ்மாயா -
0 Comments:
Post a Comment