குட்டி இதயங்கள்

எனக்குப் பிறகு
உன்னை நினைத்துக் கொண்டிருப்பதற்காக
நான் செய்த குட்டி இதயங்கள்தாம்
இந்த கவிதைகள்

- - தபூ சங்கரின் “நெஞ்சவர்ணக் கிளி” நூலில் இருந்து

-என்றும் அன்புடன்
****தினேஷ்மாயா****

கெட்ட வார்த்தை

நல்ல வார்த்தைகள்
போதவில்லை
கொஞ்சம்
கெட்ட வார்த்தைகளும்
வேண்டும்போல..
உன் அழகை வர்ணிக்க

- தபூ சங்கரின் “அடுத்த பெண்கள் கல்லூரி 5 கி.மீ” நூலில் இருந்து

-என்றும் அன்புடன்
****தினேஷ்மாயா****

தோடு

என் தோடுகளைக்
கழற்றி வீசவேண்டும்
முதலில்.

அவன் சொல்லும்
காதல் மொழிகளை எல்லாம்
ஒட்டுக்கேட்பது மட்டுமல்லாமல்
அவனில்லாத நேரங்களில்
திரும்ப சொல்லி
கேலி வேறு செய்கின்றன.

- தபூ சங்கரின் “அடுத்த பெண்கள் கல்லூரி 5 கி.மீ” நூலில் இருந்து

-என்றும் அன்புடன்
****தினேஷ்மாயா****

மழை கண்ணீர்

உன்னைத் தொடமுடியாத

மழைத் துளிகளெல்லாம்

ஒன்றாகச் சேர்ந்து 

வீதியெல்லாம்

துக்க ஊர்வலம் சென்று

ஆற்றிலும் குளத்திலும் போய்

விழுந்துவிடுகின்றன

- “நீ முகம் கழுவிய நீரைக் கொடு” நூலில் இருந்து..

ஆசிரியர்: கட்டளை ஜெயா

நல்ல ஒரு சிந்தனை... 

-என்றும் அன்புடன்

****தினேஷ்மாயா****

மரணம் என்ற அழகு

மரணத்தை கண்டு அழுபவனே!
மரணம் உன் அறியாமையைக் கண்டு
சிரிக்கிறது

மரணத்தின் இரக்கமற்ற கை
உனக்கு பிரியமானவற்றைப்
பிடுங்கிக்கொள்கிறது என்று
ஏசுகிறாய்

அந்த பிரியமே
மரணத்தால்தான்
உண்டாகிறது என்பதை
நீ அறிவதில்லை

பறிபோகாதவற்றின் மீது
பிரியம் உண்டாவதில்லை

ஒன்றையே பற்றிக்கொண்டிருக்கும்
உன் பார்வைக்கு
மற்றவற்றை அறிமுகம் செய்வது
மரணம்தான்

பகல் மரணமடையவில்லை என்றால்
அழகான நட்சத்திரங்களை
நீ பார்க்கமாட்டாய்

அழகிய மலர்
அற்ப ஆயுளில்
மடிந்து விடுகிறதே என்று
வருந்துகிறாய்

மலரின் அந்த அற்ப ஆயுள்தான்
அதன் அழகை
நீ அதிகமாக ரசிப்பதற்குக்
காரணமாகிறது

நிரந்தர அழகு
கவர்ச்சியை இழந்துவிடும்

எது அதிக அழகோ
அது விரைவில்
மரணமடைகிறது

மரணம் அவலட்சணம் என்று
அருவருக்கிறாய்
ஆனால் நாள்
அதன் மரணத்தில்
அழகாய் இருப்பதை
நீ கவனித்ததில்லையா?

விடியலை அழகு என்கிறாய்
அது இரவின் மரணம் அல்லவா?

புதுமையை வரவேற்பவனே!
பழமையின் மரணம் இல்லையென்றால்
புதுமை ஏது?

மரணம் நஷ்டம் என்கிறாய்
அது லாபமாக இருப்பதை
நீ கவனித்ததில்லையா?

வயலில் அறுவடை என்றால்
மகிழ்கிறாயே
மரணமும்
அத்தைத்தானே செய்கிறது

மரணம் என்றால்
முடிவு என்கிறாய்
அது தொடக்கமாகவும் இருப்பதை
நீ கவனித்ததில்லையா?

ஒரு பூவின் மரணத்தில்தான்
காய் பிறக்கிறது

கன்னிமையின் மரணத்தில்தான்
தாய்மை பிறக்கிறது

மரணம் என்றால்
அழிவு என்கிறாய்
அது நிறைவு என்பதை
நீ கவனித்ததில்லையா?

ஒரு ராகம்
நிறைவடையும்போது
நின்று போகிறதல்லவா?


- “ஆலாபனை” நூலில் இருந்து
ஆசிரியர் : கவிக்கோ அப்துல் ரகுமான்


மரணம் பற்றி ரொம்ப அருமையாக சொல்லியிருக்கிறார் ஆசிரியர்.. மனதை தொட்ட கவிதையாதலால் இங்கே பதிந்தேன்.


- என்றும் அன்புடன்
****தினேஷ்மாயா****

Exercise

யோகா - மனதுக்னகும் உடலுக்குமான Exercise

காதல் - இதயத்திற்கான Exercise


முன்னர் இதயத்திற்கு வேலை கொடுத்துக் கொண்டிருந்தேன்..
அவள் சென்றதும் யோகா சென்று, மனதுக்கும் உடலுக்கு வேலை கொடுத்துக் கொண்டிருக்கிறேன்...

****தினேஷ்மாயா****

நிழலோடு வாழ்கிறேன்.

எல்லோரும் நிஜத்தோடுதான்
அதிகம் வாழ விரும்புவார்கள்...

ஆனால் நானோ,
அவள் நிஐவுகளோடுதான்
அதிகம் வாழ்ந்துக்கொண்டிருக்கிறேன்
அதிகம் வாழ விரும்புகிறேன்..

பல நேரங்களில் நிஜம் கசக்கிறது,
நிழலான நினைவுகள் இனிக்கிறது..

- என்றும் அன்புடன்
****தினேஷ்மாயா****

காதல் ரகசியம்

பெண்ணிடம்
ரகசியத்தைத்தான் சொல்லக்கூடாது
என்பார்கள்....


ஆனால்,
நான் என் காதலையல்லவா
சொல்லாமல் மறைக்கிறேன்..

ஓ..
என் காதல் யாருக்கும் தெரியாமல்
ரகசியமாகவே இருப்பதால் என்னவோ
அவளிடம் சொல்ல யோசிக்கிறேனோ...



- என்றும் அன்புடன்
****தினேஷ்மாயா****

உடலினைஉறுதிசெய்

         இன்று அதிகாலை 5 மணிக்கு எழுந்து யோகா வகுப்பிற்கு சென்றேன். வகுப்பு அமைந்த இடம் ஒரு பெரிய மைதானத்தின் அருகில். அந்த மைதானத்தில் கிட்டத்தட்ட 200-300 பேர் நடைப்பயிற்சி மேற்கொண்டனர். எனக்கு ஆச்சரியமான விஷயம் என்னவென்றால், அதில் 95% பேர் 45 அல்லது 50 வயதிற்கு மேற்பட்டோர். நான் அவர்களைப் பார்க்கையில் எனக்குள் ஒரு ஆழ்ந்த சிந்தனை ஓடிக்கொண்டே இருந்தது. இவர்கள் அதிகம் வாழப்போவது இன்னும் 20 அல்லது 30 வருடங்கள் இருக்கும். அவர்கள் தங்கள் வாழ்க்கையை இன்னும் அதிகப்படுத்த, தங்கள் உடல் மீது அக்கறைக் கொண்டு நடைப்பயிற்சி செய்து வந்தனர். ஆனால், பெரும்பாலான இன்றைய சமூகத்தினரோ தங்கள் உடல்மீது அதிகம் அக்கறைக் கொள்ளாமல் உடலுக்கு அழிவைத்தரும் செயல்களில்தான் அதிகம் ஈடுபட்டு வருகின்றனர். புகைப்பழக்கம் உடல் நலத்திற்கு கேடு என்று புகையிலையை விற்கும்போதே எழுதிப்போட்டாலும் அதை கிழித்துப்போட்டுவிட்டு புகைக்க துவங்குகின்றனர். இன்று யோகாவில் மூச்சுப்பயிற்சியும், சூரிய நமஸ்காரமும் அதிகம் எனக்கு பிடித்திருந்தது. ஒரு மணி நேரம் யோகா வகுப்பு முடிந்த பின்னர் என் மனதும் உடலும் ஏதோ ஒரு புதிய அதிர்வை உணர்ந்தது அது நன்றாகவும் இருந்தது. மனதிற்கும் உடலுக்கும் ஒரு புதுவித சக்தி கிடைத்த அனுபவத்தை உணர்ந்தேன். 

பாரதியின் புதிய ஆத்திசூடியின் வரி ஒன்று மனதில் பட்டது.

“உடலினைஉறுதிசெய்”

நான் சொல்வதெல்லாம் உடலினை உறுதி செய்யாவிட்டாலும் பரவாயில்லை, வயதானவர்களே தங்கள் உடல்மீது அவ்வளவு அக்கறை எடுத்துக்கொள்ளும் போது இன்றைய இளைஞர்கள் தங்கள் உடல் மீது கொஞ்சம் அக்கறை வைத்து அதை அழிக்கும் விதமான் செயல்களை தவிர்த்தாலே போதும். உடல் நன்றாக இருந்தால்தான் மனது நன்றாக இருக்கும், மனம் நன்றாக இருந்தால்தான் செயல் நன்றாக அமையும். செயல் நன்றாக இருந்தால்தான் நமது வாழ்க்கை நன்றாக அமையும். ஆகவே, நம் உடல் மீதும் கொஞ்சம் அக்கறையை வைத்துதான் பார்ப்போமே தோழர்களே....

- என்றும் அன்புடன்

****தினேஷ்மாயா****

நல்வழி

அவ்வையின் “நல்வழி” நூலில் இருந்து எனக்கு பிடித்த ஒரு செய்யுளை இங்கே பதிவு செய்கிறேன். அக்காலம் மட்டுமின்றி இக்காலத்திற்கும், எக்காலத்திற்கும் பொருந்தும்படி எழுதியிருக்கிறார் அவ்வை. அவ்வையின் பாடல்களையும் நான் படிக்க ஆரம்பித்துவிட்டேன் என்பதில் எனக்கு பெரு மகிழ்ச்சி, எனது நீண்ட கால கனவை இன்று முடித்துக்கொண்டேன். அத்தோடு அவ்வையின் பாடல்களை என் வலையில் பதிப்பதில் பெரு மகிழ்ச்சி எனக்கு..

“ பாடுபட்டுத் தேடிப் பணத்தைப் புதைத்து வைத்துக்
  கேடுகெட்ட மானிடரே கேளுங்கள் - கூடுவிட்டிங்கு
  ஆவிதான் போயினபின்பு யாரே அனுபவிப்பார்
   பாவிகாள் அந்தப் பணம்”

பாடல் 23, நல்வழி
எழுதியவர்: ஔவையார்



- என்றும் அன்புடன்
****தினேஷ்மாயா****

கிட்டாதாயின் வெட்டென மற

பல நாட்களுக்குப் பிறகு என் மடியில் என் கணிணி. இன்று மீண்டும் துவங்குகிறேன் என் வலைப்பயணத்தை..

இன்று ஔவையாரின் ஆத்திசூடி மற்றும் கொன்றை வேந்தன் புத்தகங்களை  படித்துக் கொண்டிருந்தேன். அதில் பல விஷயங்கள் மனதை தொட்டாலும், மனதை தொட்ட விஷயங்களில் மனதை விட்டு நீங்காமல் இருந்தது 

“ கிட்டாதாயின் வெட்டென மற” 

ஒரு பொருள் உனக்கு கிடைக்காது என தீர்மானமாய் தெரிந்த பிறகு அதை மறந்துவிடுவதே நல்லது என்று சொல்லியிருக்கிறார் அவ்வை.

அப்போது என்னவள் தான் எனக்கு நினைவில் வந்தாள். கிடைக்காத, கிடைக்க வாய்ப்பே இல்லாத அவளை எண்ணி வருந்துவது தவறுதான் என்பதை புரிந்துக் கொண்டேன். நாளை முதல் யோகா மற்றும் தியானம் வகுப்பு செல்ல திட்டமிட்டிருக்கேன். நான் பல வருடங்களாக தியானம் செய்து வந்தாலும் இன்னும் என் மனதை ஆற்றிக்கொள்ள, இறைவனை நோக்கி இன்னொரு படி எடுத்துவைக்க இந்த பயிற்சி வகுப்பு பயன்படும் என்பதால் இந்த முடிவை எடுத்தேன்.

இன்னும் சில தினங்களில் என் தியான மற்றும் யோகா வகுப்பின் அனுபவங்களை பதிவு செய்கிறேன்.

உங்களுக்கும் அவ்வை சொன்னதையே நானும் சொல்கிறேன்.

“கிட்டாதாயின் வெட்டென மற”

- என்றும் அன்புடன்

****தினேஷ்மாயா****

பிறைத்தேடும் இரவிலே உயிரே

பிறைத்தேடும் இரவிலே உயிரே
எதைத்தேடி அலைகிறாய்..
கதைசொல்ல அழைக்கிறேன் உயிரே
அன்பே நீ வா..

பிறைத்தேடும் இரவிலே உயிரே
எதைத்தேடி அலைகிறாய்..
கதைசொல்ல அழைக்கிறேன் உயிரே
அன்பே நீ வா..

இருளில் கண்ணீரும் எதற்கு
மடியில் கண்மூடவா..
அழகே இந்த சோகம் எதற்கு
நானுன் தாயுமல்லவா..

உனக்கென்ன மட்டும்
வாழும் இதயமடி..
உயிருள்ளவரை
நானுன் அடிமையடி...


பிறைத்தேடும் இரவிலே உயிரே
எதைத்தேடி அலைகிறாய்..
கதைசொல்ல அழைக்கிறேன் உயிரே
அன்பே நீ வா..

அழுதால் உன் பார்வையும்
அயர்ந்தால் உன் கால்களும்
அதிகாலையின் கூடலில்
சோகம் தீர்க்கும் போதுமா..
நிழல் தேடிடும் ஆண்மையும்
நிஜம் தேடிடும் பெண்மையும்
ஒரு போர்வையில்
வாழுமின்பம் தெய்வம்
தந்த சொந்தமா...
என் ஆயுள் ரேகை நீயடி..
என் ஆயுள் வேரடி..
சுமை தாங்கும் எந்தன் கண்மனி,
எனை சுடும் பனி..

உனக்கென்ன மட்டும்
வாழும் இதயமடி..
உயிருள்ளவரை
நானுன் அடிமையடி...


பிறைத்தேடும் இரவிலே உயிரே
எதைத்தேடி அலைகிறாய்..
கதைசொல்ல அழைக்கிறேன் உயிரே
அன்பே நீ வா..


விழியின் அந்த தேடலும்
அலையும் உந்த நெஞ்சமும்
புரிந்தாலே போதுமே
ஏழு ஜென்மம் தாங்குவேன்
அனல் மேலே வாழ்கிறாய்
நதிப்போலே பாய்கிறாய்
ஒரு காரணம் இல்லையே
மீசை வைத்த பிள்ளையே..
இதை காதல் என்று சொல்வதா
என் காய்ந்து கொள்வதா
தினம் கொல்லுமிந்த பூமியில்
நீ.. வரம் தரும் இடம்...


திரைப்படம்: மயக்கம் என்ன
பாடியவர்: சைந்தவி, ஜி.வி.பிரகாஷ்
இசை: ஜி.வி.பிரகாஷ்
வரிகள்: தனுஷ்.




பல நாட்கள் கழித்து மனதை வருடிச்செல்லும்படியான ஒரு பாடல்.. இசையும், வரிகளும், பாடியவர்களின் இனிமையான குரலும் ஒன்று சேர்ந்து எனை ஏதோ செய்கிறது. இப்போதெல்லாம், எனக்கு நேரம் கிடைக்கும்போதெல்லாம் என் கைப்பேசியில் ஒலிக்கும் பாடல் இதுதான்... இணையத்தில் எவ்வளவோ தேடியும் இப்பாடலின் வரிகள் முழுவதையும் எவரும் பதியவில்லை என்பதை  தெரிந்துக்கொண்டு, என் மனதை திருடிய பாடலின் வரிகளை பதிவு செய்யும் வேலையை நானே எடுத்துக்கொண்டேன்..

- என்றும் அன்புடன்

தினேஷ்மாயா

புதிய நண்பர்கள்

ஒரு வாரத்தில் இந்த திங்கள் முதல் இன்று வரை நான் வாங்கிய புத்தகங்களும் அதன் ஆசிரியர் பெயர்களும். யார் சொன்னது எனக்கு நண்பர்கள் இல்லையென்று.. இங்கே பாருங்கள், எனக்கு இப்போது 33 புதிய நண்பர்கள் கிடைத்திருக்கிறார்கள்... :)

1. ஆலாபனை- கவிக்கோ அப்துல் ரஹ்மான்
2. எர்னஸ்டோ சேகுவேரா- லாவ்ரெட்ஸ்கி
3. ஈழம் உலகை உலுக்கிய கடிதங்கள்
4. திமிருக்கு அழகென்று பெயர்- தபு சங்கர்
5. என் ஜன்னலின் வழியே- வைரமுத்து
6. பெயரிடாத நட்சத்திரங்கள்
7. லெனின் போர்தந்திரங்கள் பற்றிய கடிதங்கள்
8. நளினி ஜமீலா- சுய சரிதை
9. தகனம்- ஆண்டாள் ப்ரிய தர்ஷினி
10. தேவதைகளின் தேவதை- தபு சங்கர்
11. மழையானவள்- தபு சங்கர்
12. பைத்தியக்காரன் - கலீல் ஜிப்ரான்
13. நெஞ்சவர்ணக் கிளி- தபு சங்கர்
14. 18- வயசுல- பா.விஜய்
15. வாடிவாசல்- சி.சு.செல்லப்பா
16. இனிப்பு எடுத்துக்கொள்ளுங்கள் காதல் பிறந்திருக்கிறது- தபு சங்கர்
17. இந்தியாவில் சாதிகள்- அண்ணல் அம்பேத்கர்
18. கொஞ்சல்வழிக் கல்வி- தபு சங்கர்
19. சேலையோரப் பூங்கா- தபு சங்கர்
20. நட்பின் நாட்கள்- பா.விஜய்
21. கேள்விகளால் ஒரு வேள்வி- வைரமுத்து
22. ஹெலன் கெல்லர்- சுய சரிதை
23. நீ முகம் கழுவிய நீரைக்கொடு- கட்டளை ஜெயா
24. அடுத்த பெண்கள் கல்லூரி 5 கி.மீ. - தபு சங்கர்
25. உன் பேச்சு கா…..தல்- தபு சங்கர்
26. நண்பன் நண்பி- பா.விஜய்
27. சத்திய சோதனை- மகாத்மா காந்தியின் சுயசரிதை
28. கொஞ்சம் பயம் நிறைய வெட்கம்- சிவா
29. நல்ல தமிழ் எழுத வேண்டுமா- அ.கி.பரந்தாமனார்
30. விழியீர்ப்பு விசை- தபு சங்கர்
31. ரத்த தானம்- வைரமுத்து
32. சிற்பங்களை சிதைக்கலாமா? – இறையன்பு
33. இந்திய அரசும் மரண தண்டனையும்- எஸ்.வி.ராஜதுரை




- என்றும் அன்புடன்
****தினேஷ்மாயா****

இன்றுபுதி தாய்ப்பிறந்தோம்..

சென்றதினி மீளாது,மூட ரே!நீர்
எப்போதும் சென்றதையே சிந்தை செய்து
கொன்றழிக்கும் கவலையெனும் குழியில் வீழ்ந்து
குமையாதீர்!சென்றதனைக் குறித்தல் வேண்டாம்
இன்றுபுதி தாய்ப்பிறந்தோம் என்று நீவிர்
எண்ணமதைத் திண்ணமுற இசைத்துக் கொண்டு
தின்றுவிளை யாடியின்புற் றிருந்து வாழ்வீர்;
தீமையெலாம் அழிந்துபோம்,திரும்பி வாரா.

- மகாகவி பாரதியார்

இன்றைய நிலையில் எனக்கு மிகவும் தேவைபடும் கவிதையை பாரதி அன்றே எழுதிவிட்டு சென்றிருக்கிறான்..

நன்றி
பாரதி...


என்றும் அன்புடன்
**** தினேஷ்மாயா ****

Mary Marry

She got Married
Also
Her Name also get Mary'd...

No one could understand this except me ;)


Lovingly yours
DhineshMaya...

தேவதையே வா என் தேவதையே வா

தேவதையே வா என் தேவதையே வா


உன் இருவிழி அசைவுகள் எழுதிடும் கவிதை நான்

பூமழையே வா என் பூமழையே வா

உன் விரல்தொடும் தொலைவினில் விழுகிற அருவி நான்

நீரில்லாமல் மீன்களும் வேரில்லாமல் பூக்களும்

பாவம் தானே பூமியில்

சிலுவைளும் சிறகெனப் பறந்திடு

தேவதையே வா என் தேவதையே வா

உன் இருவிழி அசைவுகள் எழுதிடும் கவிதை நான்



விளையும் பூமி தண்ணீரை விலகச் சொல்லாது

அலைகடல் சென்று பாயாமல் நதிகள் ஓயாது

சிதைவுகள் இல்லை என்றாலே சிலைகள் இங்கேது

வருவதை எல்லாம் ஏற்காமல் போனால் வாழ்வேது

பாதை தேடும் கால்கள் தான் ஊரைச் சேரும்

குழலை சேரும் தென்றல் தான் கீதமாகும்

சுற்றும் இந்த பூமியை சுழலச் செய்யும் காதலை

கற்றுக் கொண்டேன் உன்னிடம்

இருவரும் இனி ஒரு உயிர் பிரிவில்லை





அடைமழை நம்மைத் தொட்டாலே வெயிலே வாவென்போம்

அனலாய் வெயில் சுட்டாலே மழையே தூவென்போம்

தனிமைகள் தொல்லை தந்தாலே துணையைக் கேட்கின்றோம்

துணைவரும் நெஞ்சைக் கொள்ளாமல் தனியே தேய்கின்றோம்

ஆசை மட்டும் இல்லையேல் ஏது நாட்கள்

கைகள் தொட்டு சூடவே காதல் பூக்கள்

கண்ணை விற்று ஓவியம் வாங்கும் இந்த ஊரிலே

அன்பை வைத்து வாழலாம்

சுகமென தினம் சுமைகளில் மகிழ்ந்திரு



தேவதையே வா என் தேவதையே வா

உன் இருவிழி அசைவுகள் எழுதிடும் கவிதை நான்

பூமழையே வா என் பூமழையே வா

உன் விரல்தொடும் தொலைவினில் விழுகிற அருவி நான்

நீரில்லாமல் மீன்களும் வேரில்லாமல் பூக்களும்

பாவம் தானே பூமியில்

சிலுவைளும் சிறகெனப் பறந்திடு





படம்: மலைக்கோட்டை

இசை: மணிசர்மா

பாடியவர்: விஜய் யேசுதாஸ்

வரிகள்: யுகபாரதி

 
 
 
- என்றும் அன்புடன்..
 
தினேஷ்மாயா

தமிழ் மகளுக்கு

தமிழ் மகளுக்கு

தேடித் தேடி மருத்துவம் செய்தும்

மாறாதிந்த சாதி ஜுரம்.

கேடிகளாயிரம் கூட்டணி சேர்ந்தது

வியாதியில் வந்து முடிந்தது காண்

காவியும் நாமமும் குடுமியும் கோஷமும்

கண்டு மயங்கும் மந்தைகளாய்

ஆகிப் போனதில் வந்த விளைவுகள்

சொல்லிப் புரியும் வேளையிலே

ஆரிய வேடத்தை திராவிடன் பூண்டதில்

காரியம் கெட்டுப் போனது காண்

ஓசையும் பூசையும் பார்ப்பனன் சொல்படி

ஆயிர மாண்டுகள் செய்ததனால்

ஆகமம் பழகிப் போனது காண்

அன்றொரு பெரியவர் சாடிய சாடலில்

காவியின் வண்ணம் சற்றே மாறி

கறுப்பாய்ச் சிவப்பாய் திரியுது காண்

சாதியுஞ் சாமியும் சாராயம் போல்

சந்தைக் கடையில் விற்குது காண்

சர்க்கார் எத்தனை மாறி வந்தாலும்

மாறா வர்ணம் நாலும் காண்

புத்தன் சொன்ன தம்ம பதத்தில்

பாதி மட்டுமே பிரபலம் காண்



எழுதியவர்: நடிகர் கமல்ஹாசன்

 
- என்றும் அன்புடன்..
 
தினேஷ்மாயா

பாரதியின் புதிய ஆத்திச்சூடி

அச்சம் தவிர்


ஆண்மை தவறேல்.

இளைத்தல் இகழ்ச்சி

ஈகை திறன்

உடலினை உறுதிசெய்

ஊண்மிக விரும்பு

எண்ணுவது உயர்வு

ஏறுபோல் நட

ஐம்பொறி ஆட்சிக்கொள்

ஒற்றுமை வலிமையாம்.

ஓய்தல் ஒழி.

ஓளடதம் குறை.

கற்றது ஒழுகு.

காலம் அழியேல்.

கிளைபல தாங்கேல்.

கீழோர்க்கு அஞ்சேல்.

குன்றென நிமர்ந்து நில்.

கூடித் தொழில் செய்.

கெடுப்பது சோர்வு

கேட்டிலும் துணிந்து நில்.

கைத்தொழில் போற்று

கொடுமையை எதிர்த்து நில்.

கோல்கைக் கொண்டுவாழ்

கவ்வியதை விடேல்.

சரித்திரச் தேர்ச்சி கொள்

சாவதற்கு அஞ்சேல்

சிதையா நெஞ்சு கொள்.

சீறுவோர்ச் சீறு.

சுமையினுக்கு இளைத்திடேல்.

சூரரைப் போற்று

செய்வது துணிந்து செய்

சேர்க்கை அழியேல்.

சைகையில் பொருளுணர்.

சொல்வது தெளிந்து சொல்

சோதிடந் தளை யிகழ்.

சௌரியம் தவறேல்.

ஞமலிபோல் வாழேல்.

ஞாயிறு போற்று

ஞிமறென இன்புறு.

ஞெகிழ்வது அருளின்.

ஞேயம் காத்தல்செய்.

தன்மை இழவேல்.

தாழ்ந்து நடவேல்.

திருவினை வென்று வாழ்.

தீயோர்க்கு அஞ்சேல்.

துன்பம் மறந்திடு

தூற்றுதல் ஒழி.

தெய்வம் நீ என் றுணர்.

தேசத்தைக் காத்தல் செய்.

தையலை உணர்வு செய்.

தொன்மைக்கு அஞ்சேல்.

தோல்வியில் கலங்கேல்.

தவத்தினை நிதம் புரி.

நன்று கருது.

நாளெலாம் வினை செய்;

நினைப்பது முடியும்

நீதிநூல் பயில்.

நுனியளவு செல்.

நூலினைப் பகுத்துணர்.

நெற்றி சுருக்கிடேல்.

நேர்படப் பேசு.

நையப் புடை.

நொந்தது சாகும்.

நோற்பது கைவிடேல்.

பணத்தினைப் பெருக்கு.

பாட்டினில் அன்பு செய்.

பிணத்தினைப் போற்றேல்.

பீழைக்கு இடங்கொடேல்.

புதியன விரும்பு.

பூமி இழந்திடேல்.

பெரிதினும் பெரிது கேள்.

பேய்களுக்கு அஞ்சேல்.

கொய்மை இகழ்.

போர்த் தொழில் பழகு.

மந்திரம் வலிமை.

மானம் போற்று.

மிடிமையில் அழிந்திடேல்.

மீளுமாறு உணர்ந்துகொள்.

முனையிலே முகத்து நில்.

மூப்பினுக்கு இடங் கொடேல்.

மெல்லத் தெரிந்து சொல்.

மேழி போற்று.

மொய்ம்புறத் தவஞ் செய்.

மோனம் போற்று.

மௌட்டியந் தனைக் கொல்.

யவனர்போல் முயற்சிகொள்.

யாரையும் மதித்து வாழ்.

யௌவனம் காத்தல் செய்.

ரஸத்திலே தேர்ச்சிகொள்.

ராஜஸம் பயில்.

ரீதி தவறேல்.

ருசிபல வென்றுணர்.

ரூபம் செம்மை செய்.

ரேகையில் கனி கொல்.

ரோதனம் தவிர்.

ரௌத்திரம் பழகு.

லவம் பல வெள்ளமாம்.

லாகவம் பியற்சி செய்.

லீலை இவ் வுலகு.

(உ)லோக நூல் கற்றுணர்.

லௌகிகம் ஆற்று.

வருவதை மகிழ்ந்துண்.

வான நூற் பயிற்சி கொள்.

விதையினைத் தெரிந்திடு.

வீரியம் பெருக்கு

வெடிப்புறப் பேசு.

வேதம் புதுமை செய்.

வையத் தலைமை கொள்.

வௌவுதல் நீக்கு.

 
எழுதியவர் : பாரதியார்
 
 
 
 
- என்றும் அன்புடன்..

தினேஷ்மாயா