Random Thoughts 7.86

 

Random Thoughts - 2.0

உடலை எரிக்கையில் உயிரும் எரியுமோ ?

உடலோடு சேர்ந்து உயிரும் வளருமோ?

வலி என்பது உடலுக்குத்தானே. உயிருக்கும் வலிக்குமோ?

உயிர் உருவானபோது வலித்ததா? தெரியாது.. 

உயிர் பிரியும்போது வலிக்குமா? அதுவும் தெரியாது. உயிர் நீங்கிய எவரும் வந்து சொன்னதில்லை அவ்வுண்மையை.

* தினேஷ்மாயா *

Random Thoughts

 * தினேஷ்மாயா *

மு. வரதராசன்

 

* தினேஷ்மாயா *

Insomniac Thoughts - 1

 * தினேஷ்மாயா *

அன்புமழை

 

கவலை இல்லாமலும் 

கண்ணீர் வருமாப்போலே, 

மழைகளில்லாமலும் 

இவள் குடைகொண்டு நடக்கிறாள்.  

என் அன்புமழை பிடித்திலையோ ?

* தினேஷ்மாயா *

திருநங்கைகளின் குரல்

 “என்ன பெயர் 

சொல்லி வேண்டுமானாலும்

எங்களைக் கூப்பிடுங்கள்

மனிதநேயம் ம(றை)றந்த

மனிதர்களே

என்னவோ போல் மட்டும்

எங்களைப் பார்க்காதீர்கள்..”

- ஆஷாபாரதி

சமீபத்தில் நான் படித்த ஒரு புதுக்கவிதை இது. படித்த அந்நொடியே என்னை கவர்ந்தது. குரலற்றவர்களின் குரலாக ஒலிக்கும் இந்த கவிதை, விளிம்புநிலை மாந்தகளான திருநங்கைகளின் உள்ளத்து உணர்வை நமக்கு திரையிட்டுக் காட்டுகிறது. அவர்களும் சமூகத்தில் சமமாக நடத்தப்பட வேண்டியவர்களே. இயற்கை செய்த பிழைக்கு, அவர்களுக்கு தண்டனை கொடுப்பது என்ன நியாயம்?

* தினேஷ்மாயா *

என்னுயிர் நீ தானே

* தினேஷ்மாயா *

குறள் வெண்பா - 8

 

வேல்யாத்திரை சென்றும் பயனில்லை வேலவன்

குறவர்மருகன் என்பதை ஏற்காதபோழ்து..

- தினேஷ்மாயா

மெய்ம்மயக்கம் !!

 

“க் ங் ச் ஞ் ட் ண் த் ந் ப் ம் ய் ர் ல் வ் ழ் ள் ற் ன் “

வேறொன்றுமில்லை

அவளைக்கண்டு 

மெய்ம்மறந்தேனோ என்று 

சுயபரிசோதனை செய்துக்கொண்டேன் !!

* தினேஷ்மாயா *

குறள் வெண்பா - 7

 

மரணிக்க எவரும் தயாரில்லை இக்கனமே

மரணிக்க வல்லான் ஞானி..

* தினேஷ்மாயா *

குறள் வெண்பா - 6

 

காதல் காமமாய் மாறுகையில் உணரலாம்

மனிதன் விலங்கின் மிச்சம்..

* தினேஷ்மாயா *

குறள் வெண்பா - 5

 

அன்பே அனைத்திற்கும் ஆதாரம் ஆகையால்

அதனுள் நீமூழ்கிப் போ.

* தினேஷ்மாயா *

குறள் வெண்பா -4

 

இரவில் உறக்கமின்றி தொலைப்பேசியில் மூழ்கியோர்க்கு
ஆயுள்குறைவாம் அறிவியலாளர்கள் கண்டவுண்மை..

- தினேஷ்மாயா

குறள் வெண்பா -3

 

இறையென மறையெனயேதும் தேவையில்லை அறமே தன்

வாழ்வின் நோக்காய் கொண்டவர்க்கு..

* தினேஷ்மாயா *

மணமேடை ஏறினாள்

 மனதினுள் காதலுடன்

ஆழ்மனதில் கவலையுடன்

புறத்தே புன்னகையுடன்

கழுத்தில் மாலையுடன்

கைகூடாக் காதலின் பாரத்தோடு

குடும்ப மானமெனும் பாரமும் ஏற்றி

மணமேடை ஏறினாள்

மாதொருத்தி !!

* தினேஷ்மாயா *

குறள் வெண்பா - 2

“ கனவே கனவாய் மாறிடா வண்ணம்
   எண்ணம் கொண்டு விரைந்தெழு”

* தினேஷ்மாயா *

குறள் வெண்பா

 

திடிரென ஒரு ஆசை வந்தது. குறள் வெண்பா வடிவில் கவிதை எழுத முயற்சி செய்யலாமே என்று.

தொல்காப்பியர் வகுத்த இலக்கணத்தை மனதில் வைத்துக்கொண்டு எழுத இப்போதைக்கு முடியாது. அதை கைவர கற்கவில்லை யான் இன்னும்.

புதுக்கவிதை வடிவில் குறள் வெண்பா என் முதல் முயற்சி - இதோ 

“ இமையாள் மைவிழியாள் என்னவள் நிகராகமாட்டாள்
   உமையாள் என்னவள் பேரழகின்முன்”

* தினேஷ்மாயா *

Random Thoughts

 

Yes. I'm here to share my random thoughts.

I design my thoughts. My thoughts design my life..

Just because my thoughts are random, doesn't mean that my life is random.

Random thoughts are channelized and focused well to create a meaningful vision. That vision leads me.

I make mistakes.

Either in my thoughts, or in its improper/ineffective implementation. But my life is never a mistake.

It always surprises me each and every second.

Everything that happens in life has a purpose. But don't worry. You will never understand that purpose, unless you learnt the lessons the life taught you previously.

I've stated learning the lessons of life, slowly and steadily. Now I can talk to my life, I can design my life and I can change my life.

Yes. When you orient your frequency with that of the universe/life, everything is possible. Owning a Ferrari sometimes won't give you happiness but helping a tiny creature like ant in saving its life from the glass of water you are about to drink, will give you greater happiness.

Purpose of life is not independent living. It lies in interdependence and living for others. Be happy at whatever moment comes to you in life. After all, this moment shall pass by. Either happiness or sad. Why worry. Just live.

Life is noun, live is verb. Living is continuous.

Yes.. This amazing life is also a continuous one.

P.S.: Don't expect any special note from this post. These are just random thoughts..

* தினேஷ்மாயா *

ஒரு கதை சொல்லட்டுமா ?

இலட்சத்தில் ஒருவனாகி, 

பின்

பத்தாயிரத்தில் ஒருவனாகி,

பின்

மூவாயிரத்தில் ஒருவனாகி,

பின்

ஆயிரத்தில் ஒருவனாக

மாறியவனின் கதையை

உங்களுக்கு சொல்லட்டுமா ?!

அவன் கதையை எழுதிக்கொண்டிருக்கிறேன்.. இது மிகப்பெரிய உழைப்பு, பல ஆராய்ச்சிகள், சுய கேள்விகள், திருத்தங்கள், தடைகள் இவற்றையெல்லாம் கடந்து அந்த கதையை எழுத ஆரம்பித்துவிட்டேன். அந்த கதை முடிந்ததும் இங்கே உங்களுடன் பகிர்கிறேன்.

நன்றி

* தினேஷ்மாயா *

மார்கழி பூவே

 

மார்கழி மாதத்தில்

வாசலில் கோலமிட்டு

மார்கழி பூவை வைப்பார்கள்...

ஆனால் இங்கோ - தரையில்

பாவை ஒருத்தி

பூவாய் பூத்திருக்கிறாள்...

* தினேஷ்மாயா *

எண்ணத்துப்பூச்சி

வண்ணங்களை பூசியதால் நீ

வண்ணத்துப்பூச்சியானாய்..

உன் எண்ணங்களை பூசியதால் நான் 

எண்ணத்துப்பூச்சியானேன்..

* தினேஷ்மாயா *

தொலைந்தேன்

 என் விடலையில்

உன்னுள் தொலைந்து

காதலை இரசித்தேன்..

முப்பதுகளின் தொடக்கத்தில்

என்னுள்ளேயே தொலைந்து

வாழ்க்கையை இரசிக்கிறேன்..

* தினேஷ்மாயா *

தேசாந்திரி

தேசாந்திரியாய்

திரிய ஆசை...

இருக்கிறேன் இங்கே

கடமையாற்றியும்

கட்டுண்டும் !!

* தினேஷ்மாயா *

பாலைவனச்சோலை

 

பாலைவனமான என் வாழ்வில் வந்த

சொலையம்மா நீ !!

* தினேஷ்மாயா *

கொழுசு

 

சிலம்பினால் அறியப்பட்டவள் கண்ணகி

கொழுசால் அறியப்படுபவள் என் காதலி..

* தினேஷ்மாயா *

அவள் கொலுசு

 

நடந்துவரும் அவளை மிதந்துவர வைக்கும்..

தொலைவில் வருகையிலேயே அவள் -

வரவை தெரியப்படுத்தும்... 

ஊடலின் போது - சலசலப்பும்

கூடலின் போது - சிலுசிலுப்பும் !!

* தினேஷ்மாயா *

தேவதைகளின் தேவதை

 

பேதை

பெதும்பை

மங்கை

மடந்தை

அரிவை

தெரிவை

பேரிளம்பெண்..

சங்க இலக்கியங்களில் பெண்களை இந்த ஏழு வகையினுள் அடைத்துவிடுவார்கள்.

ஆனால், எந்த வகையிலும் அடைக்கமுடியாத

தேவதைகளின் தேவதை என்னவள் !!

* தினேஷ்மாயா *

வித்தகன்

 

கடலில் மூழ்கி முத்தெடுக்கும் 

வித்தை அறிகிலேன்..

ஆனால் - உன்னுள் மூழ்கி

முத்தங்கள் எடுக்கும் வித்தையை

நன்கறிவேன்..

* தினேஷ்மாயா *

கருங்கடல்

 

நீலக்கடல்

அவள் கடலலையினில்

காலை நனைத்தப்பின்

கருங்கடலாய் 

நிற மாற்றம் கொண்டது..

* தினேஷ்மாயா *

அமைதி

 

புயலுக்கு பின் அமைதியாம்

நான் - புயலிலேயே அமைதி காண்கிறேன்..

என் காதல் புயலாய் வீச

உன் கண்கள் அமைதியாய்...

* தினேஷ்மாயா *

மகிழ்ந்திருப்போம்...

நான் வெளிவிடும் மூச்சுக்காற்றை நீ சுவாசித்து 

அதை நீ வெளியிட்டப்பின் நான்  மீண்டும் சுவாசித்து

குளிர் காற்றை வெப்பமாக்கும் இந்த கூடலில்

மெய்மறந்து மேல் சாய்ந்து

மகிழ்ந்திருப்போம்...

* தினேஷ்மாயா *

பெரிய பெரிய ஆசை

காற்றைப் போல

எல்லைகள் கடந்து

உலகை சுற்றி வர பேராசை !

* தினேஷ்மாயா *

காதலில் விழுந்தேன்

அவள் பார்வையை அனுப்பி

தன் கண்கள் எனும் சிறையில்

அடைக்கப் பார்க்கிறாள்..

தப்பிக்க நினைத்து

அவள் காதலில் விழுந்துவிட்டேன்..

* தினேஷ்மாயா *

எல்லாம் சுகமே

 தூக்கில் தொங்குவதும்

சுகமே..

எப்போது உன்னை உரசும்

உன் தோடுகளுக்கு..

* தினேஷ்மாயா *

வயலில் வயலின்

 

நீ வயலின் வாசிப்பதால் 

இசை பிறக்கவில்லை...

அந்த வயலின் நடுவே 

ஒய்யாரமாய் வீற்றிருக்கும்

பொன்சிலையான உன்னை

வருடி செல்லும் கோடைக்காற்றே

இசையாய் பிரதிபலிக்கிறது !!

* தினேஷ்மாயா *

ராதே ராதே !!

 

காத்திருப்பு 

தவிப்பு அல்ல

அது ஒரு 

தவம்...

எனக்கு ராதை உணர்த்திய பாடம் !!

* தினேஷ்மாயா *

கண் பேசும் வார்த்தைகள்

 ஆம்..

கண்கள் பேசும் வார்த்தைகள்

புரிவதில்லைதான்..

எனக்கு அதன் அர்த்தங்கள் வேண்டாம்..

எனை மயக்கும் பேரழகே போதுமே..

* தினேஷ்மாயா *

கொள்ளையடித்தாய்.

 மனதைக் கொள்ளையடித்தாய் சரி

ஆனால் - ஏன் 

உன் முகத்திற்கு வெள்ளையடித்தாய் ?

* தினேஷ்மாயா *

ஒரு விநோதமான சிந்தனை

 

இன்று மதியம் வீட்டு பால்கனியில் நின்று காற்று வாங்கிக்கொண்டிருந்தேன்.

அப்போது ஒரு விசித்திரமான, விநோதமான சிந்தனை வந்து மறைந்தது.

இறக்கும் போது எப்படி இருக்கும். இறக்கும் உணர்வு எவ்வாறு இருக்கும் என்றெல்லாம் நினைத்தேன்.

அந்த நொடி சிலருக்கு வயது மூப்பின் காரணமாக உடனே வந்துவிடும், சிலருக்கு பிணிக் காரணமாக இழு இழு என்று இழுத்து பிறகே உயிர் பிரியும், சிலருக்கு எதிர்பாராமல் எந்த நேரத்திலும் எந்த விதத்திலும் வந்து சேரும்,  சிலர் தாங்களாகவே அந்த நொடியை தேடிக்கொள்வர்.

ஆனாலும், அனைவருக்கும் அந்த ஒரு நொடி ஒரேமாதிரியாகவே இருக்கும் என்று நினைக்கிறேன். இந்த மனித மூளைக்கு தெரியும். உயிர் என்றால் என்ன, உயிர் பிரியும் தருவாயில் அந்த மூளைக்கு உயிர் பிரியப்போகிறது என்று உணர முடியுமா ? அப்படி மனித உடல் உயிர் வாழ்வதை நீட்டிக்க எதையாவது செய்யுமா அல்லது, போதுமென தன் உழைப்பை முடித்துக்கொண்டு உயிரிடம் சரணடைந்துவிடுமா ?

உயிர் பிரியும் அந்த தருவாய் எப்படி இருக்கும் ?

வலி நிறைந்ததாக இருக்குமா ? ? ?

ஒரு விடயம் நீங்கள் கவனித்தீர்களா. இதுவரை மரணித்த எவரும் அந்த தருணம் எப்படி இருக்கும் என்று மீண்டு வந்து வாழ்பவர்களிடம் சொன்னதுமில்லை, அப்படி சொல்ல நினைத்தாலும் சொல்ல முடிவதுமில்லை. மரணத்திற்குப் பிறகு என்ன நடக்கிறது என்பதையும் அவர்களால் நம்மிடம் பகிர்ந்துக் கொள்ளவும் முடிவதில்லை.

இதுதான் வாழ்க்கையின் இரகசியம் என்பதோ ?

அல்லது, இதனால்தான் வாழ்க்கையே இரகசியமாக இருக்கிறதோ ?

* தினேஷ்மாயா *