* தினேஷ்மாயா *
வண்ணம் கொண்ட வெண்ணிலவே
கன்னி உன்னை பார்த்திருப்பேன்
கால் கடுக்க காத்திருப்பேன்
ஜீவன் வந்து சேரும் வரை
தேகம் போல் நான் கிடப்பேன்
தேவி வந்து சேர்ந்துவிட்டால்
ஆவி கொண்டு நான் நடப்பேன் !
#வண்ணம் கொண்ட வெண்ணிலவே
* தினேஷ்மாயா *
ஊக்கம்
Sunday, June 11, 2017
ஊனம் என்கிற வார்த்தை வேண்டாம்..
ஊக்கம் என்னும் வார்த்தை போதும்..
இவர்களிடம் ஊனத்தைவிட ஊக்கமே அதிகம் இருக்கும் !
* தினேஷ்மாயா *
அழகான பொம்மை
Saturday, June 10, 2017
ஆனால், நம் குழந்தை விளையாட
நான் பொம்மைகள் வாங்கித்தரமாட்டேனடி
அதான் அழகான பொம்மை நீயே இருக்கிறாயே !
* தினேஷ்மாயா *
அழகிய மிதிலை நகரினிலே
அழகிய மிதிலை நகரினிலே
யாருக்கு ஜானகி காத்திருந்தாள்
பழகிடும் ராமன் வரவை எண்ணி
பாதையை அவள் பார்த்திருந்தாள்
பாதையை அவள் பார்த்திருந்தாள்
#அழகிய மிதிலை நகரினிலே
* தினேஷ்மாயா *
என்னைத் தொட்டு அள்ளிக்கொண்ட
என்னைத் தொட்டு அள்ளிக்கொண்ட மங்கை பேரும் என்னடி ?
எனக்குச் சொல்லடி விஷயம் என்னடி ?
நெஞ்சைத் தொட்டு பின்னிக்கொண்ட நங்கை ஊரும் என்னடி?
எனக்குச் சொல்லடி விஷயம் என்னடி ?
#என்னைத் தொட்டு அள்ளிக்கொண்ட
* தினேஷ்மாயா *
சிறிய இடைவேளைக்கு பிறகு
Sunday, June 04, 2017
ஒரு சிறிய இடைவேளைக்கு பிறகு, வீட்டில் பெண் பார்க்கும் படலத்தை தொடர்கிறார்கள். இப்போதுதான் புரிகிறது, பெண் பார்ப்பது என்பது சாதாரண விஷயமல்ல என்று. பெரியவர்கள் என்னென்னவெல்லாமோ சிந்திக்கிறார்கள். அது சரி, இது நம் வாழ்க்கையாச்சே, பல கோணங்களில் சிந்தித்துதாந் ஒரு முடிவுக்கு வருவார்கள். இதுவரை ஓரிரு முறை பெண் பார்க்க சென்றிருக்கிறேன். அப்போதெல்லாம் நல்லா சொதப்பினேன். பெண்ணை பார்க்க தயங்கி பார்க்காமலே திரும்பி வந்து.. இப்படி நல்லாவே சொதப்பினேன். இனிமேலாச்சும், ஒழுங்கா பெண்ணை பார்த்து முடிந்தால் ஓரிரு வார்த்தை பேசவேண்டும். அப்படி வாய்ப்பு கிடைத்தால் பேச நிறைய சிந்தித்து வைத்திருக்கிறேன். பேசி முடித்தபின் அதை இங்கே பகிர்கிறேன். பார்ப்போம் அடுத்து என்னதான் நடக்கப்போகிறதென்று..
* தினேஷ்மாயா *
விதை வங்கி
Thursday, June 01, 2017
நார்வே நாட்டில் அமைந்திருக்கும் விதை வங்கி இது. உலகிலேயே மிகப்பெரிய விதை வங்கி இது. உலகில் இருக்கும் அனைத்து விதை வங்கிகளில் இருந்து பெறப்பட்ட முக்கிய விதைகளை இங்கே பாதுகாக்கிறார்கள். ஏதாவது பேரழிவின் காரணமாக முக்கிய செடிகள், மரங்கள் அழிந்துவிட்டால், அதனை மறுமுறை உலகிற்கு தந்திடும் விதமாக எடுக்கப்பட்டிருக்கும் இந்த முயற்சி வரவேற்க்கத்தக்கது.
* தினேஷ்மாயா *
நியாயமா
Tuesday, May 30, 2017
தவறுதான்...
உன் கண்களை திருடியது தவறுதான்..
அதற்காக -
உன் கண்களாலேயே என்னை
கைது செய்தல் நியாயமா
என் கண்ணே !
* தினேஷ்மாயா *
எந்நாளோ?
என்னோடு நீ
உன்னோடு நான்
ஒன்றோடு நாம்
ஒன்றாகும் நாள்
எந்நாளோ?
( வரப்போகும் என்னவளுக்காக )
* தினேஷ்மாயா *
கதறி அழுகிறது
அன்று நாம் அமர்ந்த அந்த நாற்காலி..
இன்று வெறுமையாய் இருப்பதைக்கண்டு -
வானமே கதறி அழுகிறதடி !
* தினேஷ்மாயா *
பசி
Monday, May 15, 2017
என்னைத்தேடி வருபவனுக்கும்
எனக்கும் - ஒரு ஒற்றுமை..
"பசி"
அவன் உடலுக்கு
என் வயிற்றுக்கு !
@ தன் உடலை விற்கும் மாதுவின் மனதில் இருக்கும் எண்ணங்களை என் கவிதைகளாக வடித்தேன்..
* தினேஷ்மாயா *
இசை
உலகையே அமைதியின் பாதையில் இட்டு செல்ல இசையால் மட்டுமே முடியும்..
போரில் கடைசியில் அமைதி கிடைக்காது.. அழுகுரல்களே மிஞ்சும்..
வீரர்கள் கையில் இருக்கும் துப்பாக்கியை பிடுங்கிவிட்டு,
ஒவ்வொருவர் கையில் வயலின் கொடுங்கள்..
பூமியெங்கும் இசை பரவட்டும், அன்பு மலரட்டும்..
* தினேஷ்மாயா *
நானும் என் தெய்வமும்...
Saturday, May 13, 2017
நேற்று மாலை வெளியெ சென்றுவிட்டு வீடு வரும் வழியில் ஒரு சுவரொட்டி பார்த்தேன். அன்னையர் தினத்தை முன்னிட்டு, அரசு மருத்துவமனைக்கான இரத்ததான முகாம் 13.05.2017 அன்று நடைப்பெறுகிறது என்று. அதை கண்டதும் முடிவு செய்துவிட்டேன், நிச்சயம் இதில் பங்குபெற வேண்டும் என்று. இதை என் அன்னையிடம் நேற்றிரவு பேசும்போது சொன்னேன். என்ன திடீர்னு இரத்ததானம் எல்லாம் என்று கேட்டார்கள். அதற்கு நான் சொன்னேன், நீ உன் இரத்தம் கொடுத்துதான் என்னை உருவாக்கினாய். உன் நினைவாக நானும் உன்னை பெருமைப்படுத்தும் விதமாக இரத்ததானம் தருகிறேனே என்றேன். புன்முருவலுடன் அம்மா சொன்னாள். எதைக்கேட்டாலும் அதுக்கு ஒரு காரணம் ரெடியா வெச்சிருக்க என்று !
நானும் சிரித்துக்கொண்டே அவளுக்கு அன்னையர் தின வாழ்த்துக்களை பகிர்ந்துக்கொண்டேன்..
* தினேஷ்மாயா *
Good Loosu...
என் தோழி ஒருவர் என் வலைப்பக்கத்தை சமீபத்தில் படித்துவிட்டு எனக்கு கொடுத்த பட்டம்..
"Good Loosu"
பைத்தியக்காரன்தான், ஆனால் நல்ல பைத்தியக்காரன் !
அட ! இதுகூட நல்லாருக்கே என்று அவருக்கு மனதார நன்றி சொன்னேன்...
* தினேஷ்மாயா *
ஸ்ரீ மகா ப்ரத்யங்கிரா தேவி ஆலயம்
இம்மாதம் பத்தாம் தேதி விடுமுறை தினம் என்பதால், அன்றைய நாளை இறைவன் சன்னதியில் இருக்கலாம் என்று நினைத்து கோவில் ஏதாவது செல்லலாம் என்று முடிவு செய்தேன்.
கும்பகோணம் அருகில் இருக்கும் திருநாகேசுவரம், உப்பிலியப்பன் ஆலயம், அய்யாவாடியில் அமைந்திருக்கும் ஸ்ரீ மகா ப்ரத்யங்கிரா தேவி ஆலயம் சென்றேன்.
அதிகாலை முதல் ஆளாக திருநாகேசுவரம் சென்றேன். கோவில் நடை திறக்கவில்லை. காத்திருந்து, முதல் ஆளாக இறைவன் தரிசனம் காணப்பெற்றேன். அருள்மிகு நாகநாத சுவாமி, பிறையணி அம்மன் தரிசனம் கண்டேன். ராகு பகவான் தரிசனமும் காணப்பேற்றேன். திருநாவுக்கரசர் சொல்லியிருக்கிறார். இக்கோவிலை தரிசிப்பதென்பது ஒருவர் வாழ்வில் கிடைக்கும் பாக்கியம் என்று. அந்த பாக்கியம் கிடைக்கப்பெற்றேன்.
அங்கிருந்து, அருகில் இருக்கும் உப்பிலியப்பன் சன்னதி சென்றேன். தென் திருப்பதி என்று அழைக்கப்படும் திருத்தலம் இது. சென்ற மாதம் திருப்பதி சென்றேன், இம்மாதம் தென் திருப்பதி அழைத்து வந்து தன் தரிசனம் காட்டுகிறார் பெருமாள். அவர் கருணைக்கு ஏது ஈடு ?
பின், அங்கிருந்து அருகில் இருக்கும் அய்யாவாடி ஊரில் அமைந்திருக்கும் ஸ்ரீ மகா ப்ரத்யங்கிரா தேவி ஆலயம் சென்றேன். இந்த ஆலயம் செல்ல வேண்டும் என்றுதான் முதலில் முடிவு செய்தேன். பின்னரே மேலே சொன்ன இரு ஆலயங்களும் அருகில் இருப்பதால் அதனையும் தரிசித்தேன். ஸ்ரீ மகா ப்ரத்யங்கிரா தேவி - மிகவும் சக்தி வாய்ந்தவள், அதர்வன வேதத்துக்கு தலைவி என்று சொல்வார்கள். இங்கு அமாவாசை அன்று நடக்கும் யாக தீயில் காய்ந்த மிளகாய்களை போடுவார்கள். ஆனால் அதன் நெடி ஒருபோதும் பக்தர்களை வருத்தியதே இல்லை எனவும், அதிலிருந்து நெடியே வெளிப்படாது எனவும் சொல்ல படித்திருக்கிறேன். நான் இங்கு சென்ற தினம் பௌர்ணமி. அமாவாசை அன்று மட்டும் காலை 6 மணிக்கு ஆலயம் திறப்பார்கள். மற்ற நாட்களில் 8 மணிக்குதான் திறப்பார்கள். நான் 7 மணிக்கே சென்று ஒரு மணிநேரம் அவள் சன்னதியில் காத்திருக்கும் பேறு பெற்றேன். தீய சக்திகளில் இருந்து காத்துக்கொள்ளவும், பரிகாரம் செய்யவும் தான் இங்கே பெரும்பாலும் வருவார்கள். சில தினங்களுக்கு முன்னர் ப்ரத்யங்கிரா தேவி என் சிந்தையில் வந்தாள். இதில் ஆச்சரியம் என்னவென்றால், எந்த புத்தகத்திலோ, கானொளி காட்சியிலோ எங்குமே சமீபத்தில் ப்ரத்யங்கிரா தேவியை பற்றி படிக்கவும் இல்லை, கேட்கவும் இல்லை. அவள் அருள் எனக்கு இருப்பதால்தான் அவளே என் சிந்தையில் வந்தாள். உடனே இணையத்தில் அவளைப்பற்றி படிக்க ஆரம்பித்தேன்.அவளுக்கான ஆலயம் எங்கிருக்கிறது என்று தேடினேன். அங்கே செல்ல சமயம் தேடிக்கொண்டிருந்த சமயம் அவளே என்னை தன் ஆலயம் அழைத்தாள். அவளின் தரிசனம் கண்டு அவள் சன்னதியில் கொஞ்ச நேரம் தியானம் செய்துவிட்டு வந்தேன். அவளின் உருவம் உக்கிரமாக இருக்கும், ஆனால் கருணைக்கடல் அவள். அவளை அனைவராலும் வழிப்பட முடியாது. அவள் நினைத்தால் மட்டுமே நாம் அவளை வணங்கிட முடியும் என்பார்கள். அவள் அருள் எனக்கு கிடைத்ததை பெரும் பாக்கியமாக கருதுகிறேன். வேண்டியதை அருளும் கருணை கடல் - ஸ்ரீ மகா ப்ரத்யங்கிரா தேவி. அந்த ஆலயத்தின் அருமை பெருமைகளை சொல்லும் இணைய பக்கங்கள் ஏராளம். அவள் உருவத்தை வீட்டில் வைத்து வழிபட கூடாது என்று அந்த ஆலயத்தில் எழுதி இருந்தார்கள். அடுத்த கணமே முடிவு செய்துவிட்டேன். இனிமேல் ஸ்ரீ மகா ப்ரத்யங்கிரா தேவியை என் மனதிலேயே வைத்து வழிபடலாம் என்று. என் உள்ளமே கோவில் தானே !
மன ஒழுக்கத்தோடும், உள்ளன்போடும், தூய்மையான பக்தியுடனும் அவளை வணங்கினால், வாழ்வின் ஒவ்வொரு நொடியிலும் கூட வருவாள், அனைத்து செயலிலும் வெற்றியை கொடுப்பாள்..
- அவள் ஆசியுடன்
* தினேஷ்மாயா *
பாகுபலி -2
Monday, May 08, 2017
பாகுபலி - 2 திரைப்படம் சமீபத்தில் 3 முறை பார்த்தேன்.. படத்தை பற்றி சொல்ல வார்த்தைகள் இல்லை என்னிடம். இன்னும் ஒரு 10 முறையாவது திரையரங்கம் சென்று பார்த்துவிடுவேன்..
* தினேஷ்மாயா *
இசை கச்சேரி
அந்த தெருவில் நடமாடும் எவர்க்கும்
காதுகள் இல்லை !!
என்னவென்று பார்த்தால் -
அவள் அங்கே பாடிக்கொண்டிருக்கிறாள்..
அனைவரின் காதுகளும் அவள் கச்சேரியில்..
* தினேஷ்மாயா *
மழை !
Saturday, April 22, 2017
அன்று மழைபெய்தபோது நீ குடையுடன் வந்தாய்
என்னையும் குடையினுள் அழைத்தாய்
குடைக்குள் முத்த மழையை பொழிந்தாய்..
முத்தத்தோடு என் கன்னத்தையும் -
அப்படியே விட்டுவிட்டு நடந்தாய்
மழையும் நின்றது உன் முத்த மழையும்தான்..
பின் நானும் உனைநோக்கி நடைப்போட்டேன்..
நீ கொடுத்த முத்தத்தால்
அந்த குடை நாணத்தால் தலைசாய்கிறது பார்..
* தினேஷ்மாயா *
வெள்ளை வெளிச்சம்
Wednesday, April 19, 2017
இன்று கோவை கொடிசியா மைதானத்தில் தினமணி நாளேடு சார்பாக நடந்த "வெள்ளை வெளிச்சம்" நிகழ்ச்சி சென்றிருந்தேன். கவிஞஎ வைரமுத்து அவர்கள் வள்ளலார் பற்றி பேசினார், பின் அவரைப்பற்றி கவியும் பாடினார்.
எனக்கு வள்ளலாரையும் பிடிக்கும் வைரமுத்துவையும் பிடிக்கும். இன்றைய நிகழ்ச்சியில் கவியின் பேச்சு வழக்கம்போல மிக அருமையாக இருந்தது. வள்ளலார் ஒரு புரட்சி துறவி. சுத்த சன்மார்க்க சபை தோற்றுவித்து சமூகத்திலும் சமயத்திலும் பல புரட்சிகளை கொண்டுவந்தவர். இன்னும் வள்ளலார் பற்றி நிறைய கூறினார்.
19-ஆம் நூற்றாண்டு இந்தியாவில் கடும் பஞ்சம். அதை தன் கவி பாணியில் விவரித்தார் கவிஞர். மக்களின் கண்ணீர் துளிகளின் அளவு விண்ணின் மழைத்துளிகளைவிட அதிகமாக இருந்தது என்றார்.
மனிதன்தான் இவ்வுலகில் தோன்றிய கடைசி உயிரினம். ஆனால் அவன்தான் இவ்வுலகை அழித்து வருகிறான். இவ்வுலகம் விலங்குகளுக்கான உலகம், பறவைகளுக்கான உலகம், பூச்சிகளுக்கான உலகம்.
இலட்சியவாதிகளின் பயணம் மாலைக்குள் முடிவு தெரியும் விளையாட்டல்ல, பல போராட்டங்கள் நிறைந்தது, அதற்கான வெற்றி நிச்சயம் ஒருநாள் வரும்.
இன்னும் இப்படி மனதை கவரும்படி நிறைய சொன்னார்.
வள்ளலாரை பெரியார், பாரதியார் இவர்களுடன் சம்பந்தப்படுத்தி பேசினார். இவர்கள் இருவரும் வள்ளலாரின் கருத்துக்களையே தங்கள் பாணியில் கையாண்டு மக்களுக்கு சொன்னார்கள் என்றார். நிறைய நிறைய ஆராய்ச்சி செய்திருப்பார் போல கவிஞர். அவர் சொன்ன பல கருத்துக்கள் மனதில் உள்ளன. ஆனால் அனைத்தையும் இங்கே பதிய வார்த்தைகளை என்னால் தேட முடியவில்லை. அதனால் இத்தோடு இதை முடித்துக்கொள்கிறேன்.
அருமையான ஒரு நிகழ்ச்சியில் கலந்துக்கொண்ட மன நிறைவுடன் வீடு வந்தேன்.
* தினேஷ்மாயா *
ஸ்பரிசம்
யார் சொன்னது ?
சூரிய ஒளி இருந்தால்தான்
செடிகள் வளரும் என்று..
உன் ஸ்பரிசம் மட்டுமே போதுமடி !
* தினேஷ்மாயா *
அடம்
தண்ணீர் பிடிக்க ஆற்றங்கரைக்கு செல்கிறாயா ?
வேண்டாமடி.. சொன்னால் கேள்..
ஆற்று நீர் அனைத்தும்
உன்னுடனே வந்துவிடுகிறேன் என்று
அடம்பிடிக்கப்போகிறது பார் !
* தினேஷ்மாயா *
பூந்தோட்டம்
அவளொரு பூந்தோட்டம்..
அவளிடமிருந்து சிதறிய பூக்களே
அவள் கையில் பூங்கொத்தாய் !
* தினேஷ்மாயா *
பயம் வேண்டாம்
என்னுள் எரியும் தீ..
அதை உணர்ந்தவர் எவருமில்லை..
பலருக்கு வெளிச்சமாய் இருக்கும்
சிலருக்கு ?
விடை அவர்கள் கையில் !
ஆனால் - அவ்வளவு சீக்கிரம்
எவரையும் எரித்துவிட மாட்டேன்...
பயம் வேண்டாம்..
* தினேஷ்மாயா *
விநாயகா
Tuesday, April 18, 2017
அழகென்ற சொல்லுக்கு முருகா
பேரழகு என்ற சொல்லுக்கு விநாயகா !
* தினேஷ்மாயா *
தென்றல் வந்து என்னைத்தொடும்
தென்றல் வந்து என்னைத் தொடும்
அது.. சத்தமின்றி முத்தமிடும்..
பகலே போய்விடு.
இரவே பாய்கொடு..
நிலவே !
பன்னீரைத்தூவி ஓய்வெடு !
#தென்றல்_வந்து
* தினேஷ்மாயா *
வானவில்
வளைந்திருக்கிறாய்..
வானவில் தான்..
ஆனால் என்னடி இது ?
ஏழு வண்ணம் எங்கே ?
ஓ !
என் வானில் மட்டுமே வரும்
கருப்பு வெள்ளை வானவில்லோ நீ !?
* தினேஷ்மாயா *
Subscribe to:
Posts (Atom)
அன்புடன்.....
தினேஷ்மாயா....